«NəOldu» (neoldu.me) Platformasının Məxfilik Siyasəti
1. Ümumi müddəalar
1.1. Bu Məxfilik Siyasəti "NəOldu" platformasının (bundan sonra "Platforma") İstifadəçilərinin fərdi məlumatlarının toplanması, emalı, saxlanması, qorunması və istifadəsi ilə bağlı hüquqi çərçivəni müəyyən edir.
1.2. Platforma fərdi məlumatların emalını Azərbaycan Respublikasının "Fərdi məlumatlar haqqında" Qanununa və tətbiq oluna bilən beynəlxalq standartlara, o cümlədən Ümumi Məlumatların Qorunması Qaydalarına (GDPR – EU 2016/679) ciddi şəkildə uyğun həyata keçirir.
1.3. Platforma İstifadəçi və müstəqil Psixoloqlar arasında yalnız informasiya-texniki vasitəçi kimi çıxış edir və tibbi və ya psixoloji xidmətlər göstərmir., habelə konsultasiya xidmətlərinin məzmununa, keyfiyyətinə və nəticələrinə görə məsuliyyət daşımır.
1.4. Platformada qeydiyyatdan keçməklə İstifadəçi öz fərdi məlumatlarının bu Siyasətin şərtlərinə uyğun olaraq toplanmasına, emal edilməsinə və saxlanmasına açıq və könüllü razılığını verir.
2. Toplanan məlumatlar
Xidmətlərin lazımi qaydada göstərilməsi üçün Platforma aşağıdakı kateqoriya məlumatları toplayır:
- Fərdi (Qeydiyyat) məlumatları: Ad, soyad, doğum tarixi, əlaqə nömrəsi, e-mail ünvanı.
- Maliyyə məlumatları: Platformadakı əməliyyatların tarixçəsi. Diqqət: Platforma bank kartlarının tam rekvizitlərini toplamır və saxlamır. Ödənişlərin emalı qorunan kanallar vasitəsilə birbaşa sertifikatlaşdırılmış ödəniş sistemləri (ekvayerlər) tərəfindən həyata keçirilir.
- Texniki məlumatlar: IP ünvanı, Cookies faylları, istifadəçi cihazı haqqında məlumat (cihazın və brauzerin növü), Platformaya daxilolma tarixi və vaxtı.
3. Məlumatların istifadəsi və ötürülməsi
3.1. Platforma İstifadəçilərin fərdi məlumatlarını qəti şəkildə üçüncü şəxslərə satmır və reklam məqsədli paylaşmır.
3.2. İstifadəçi qarşısında öhdəliklərin yerinə yetirilməsi məqsədilə Platforma zəruri olan minimum məlumatları aşağıdakı tərəflərə ötürür:
3.2.1. Psixoloqa: Konsultasiyanın hazırlanması və keyfiyyətli keçirilməsi üçün seçilmiş Psixoloqa aşağıdakılar ötürülür:
a. Ad və ya Təxəllüs (İstifadəçinin seçiminə əsasən);
b. İstifadəçinin yaşı;
c. Təyin olunmuş seansın tarixi və vaxtı;
d. Qeydiyyat zamanı İstifadəçi tərəfindən könüllü doldurulmuş ilkin anket (sorğunun təsviri).
Qeyd: Psixoloqlar Platformanın müstəqil kontragentləridir. Platforma yalnız məlumatların ötürülməsi kanalı kimi çıxış edir. Anket məlumatlarının qorunması, sorğunun detallarının yayılmaması və peşə sirrinin qorunması üzrə tam fərdi və hüquqi məsuliyyəti xidməti göstərən Psixoloq daşıyır.
3.2.2. Ödəniş sistemlərinə: Ödənişlərin təhlükəsiz başlanması və emalı üçün.
3.2.3. Dövlət orqanlarına: Yalnız Azərbaycan Respublikasının qanunvericiliyində birbaşa nəzərdə tutulmuş hallarda, əsaslandırılmış rəsmi sorğu əsasında.
4. Seansların məxfiliyi
4.1. Platforma keçirilən psixoloji konsultasiyaların video və ya audio yazısını aparmır. Platformanın İstifadəçi və Psixoloq arasındakı söhbətlərin məzmununa çıxışı yoxdur.
4.2. Seansın məzmunu ciddi peşə sirridir. Seansın detallarının yayılmamasına görə tam hüquqi məsuliyyəti birbaşa xidməti göstərən Psixoloq daşıyır.
4.3. İstisna: Seans zamanı İstifadəçinin və ya üçüncü şəxslərin həyatına və sağlamlığına real təhlükə aşkar edildikdə, Psixoloq Azərbaycan Respublikasının qanunvericiliyinə və peşəkar etik kodeksinə uyğun olaraq hərəkət etmək (o cümlədən təcili yardım xidmətlərinə və ya hüquq-mühafizə orqanlarına müraciət etmək) hüququna və öhdəliyinə malikdir.
5. Məlumatların qorunması
5.1. Platforma məlumatların qanunsuz daxilolma, məhv edilmə, dəyişdirilmə və ya bloklanmasından qorunması üçün müasir təşkilati və texniki tədbirlər (o cümlədən SSL şifrələmə və Platforma əməkdaşlarının məlumat bazalarına girişinə ciddi nəzarət) tətbiq edir.
5.2. Platforma həmçinin üçüncü tərəf təhlükəsizlik standartlarına uyğun olaraq məlumatların şifrələnməsini və təhlükəsiz saxlanmasını təmin edir.
6. İstifadəçinin hüquqları və məlumatların saxlanılması
6.1. İstifadəçi istənilən vaxt öz məlumatları barədə məlumat almaq, onların dəqiqləşdirilməsini və ya tamamilə silinməsini (emalına dair razılığın geri götürülməsi) tələb etmək hüququna malikdir. Bunun üçün Platformanın dəstək xidmətinə sorğu göndərilməlidir.
6.2. İstifadəçinin hesabı silindikdə onun qeydiyyat məlumatları silinir. Azərbaycan Respublikasının Vergi Məcəlləsinin və mühasibat uçotu haqqında qanunvericiliyin tələblərinə uyğun olaraq, həyata keçirilmiş maliyyə əməliyyatları barədə məlumatlar marketinq məqsədləri üçün istifadə edilmək hüququ olmadan 5 (beş) il müddətində Platformanın qorunan arxivində saxlanılır.
7. Cookies və texniki vasitələr
7.1. Platforma funksionallığı təmin etmək üçün cookies və analitik vasitələrdən istifadə edə bilər.
7.2. İstifadəçi brauzer vasitəsilə cookies-ləri idarə edə və onların saxlanmasına icazə verib-verməməsini seçə bilər.
7.3. Cookies-lərin deaktiv edilməsi bəzi Platforma funksiyalarının düzgün işləməməsinə səbəb ola bilər.
8. Dəyişikliklər və bildiriş
8.1. Platforma bu Siyasəti istənilən vaxt öncədən xəbərdarlıq göndərmədən dəyişdirmək hüququna malikdir.
8.2. Dəyişikliklər neoldu.me saytında dərc olunduğu andan qüvvəyə minir. Platformadan istifadəyə davam etmək İstifadəçinin yenilənmiş şərtlərlə razılaşmasını təsdiq edir.
9. Digər müddəalar
9.1. Bu sənəd Azərbaycan dilində tərtib edilmişdir. Sənədin digər dillərə (o cümlədən rus və ingilis dillərinə) tərcümələri yalnız məlumat xarakteri daşıyır. Sənədin müxtəlif dillərdə olan mətnləri arasında hər hansı ziddiyyət və ya uyğunsuzluq yarandığı halda, Azərbaycan dilində olan mətn üstün hüquqi qüvvəyə malikdir.